Panjaa

Nüfuzlu siyasətçilər və varlı iş adamları Bhagavanın qarşısında baş əyir, onun göstərişlərinə tabe olurlar. Qeyri-rəsmi liderin təhlükəsizliyini və gücünü isə ona son dərəcə sadiq olan Jay adlı kölgəsi qoruyur. İllər boyu hər təhlükəni dəf edən bu adam sayəsində Bhagavanın mövqeyi toxunulmaz qalır.

Səkkiz illik fasilədən sonra ölkəyə qayıdan oğul Munna isə vəziyyəti kökündən dəyişir. Ata Jaydan oğluna da eyni cür himayədarlıq etməsini xahiş edir. Lakin pulların və hədsiz azadlığın korladığı Munna narkotik aludəçisinə və qəddar bir adama çevrilib, bu isə tərəflər arasında barışmaz qarşıdurmanın yaranmasına yol açır.

Rejissor Vishnuvardhanın çəkdiyi «Panjaa» filmi 2011-ci ildə Hindistanda istehsal olunub. Döyüş və triller janrında olan ekran əsərində əsas rolları Pawan Kalyan, Jackie Shroff, Sarah-Jane Dias və Anjali Lavania ifa ediblər.