Shadow

Birləşmiş Millətlər Təşkilatında çalışan jurnalist Raqhuram cinayətkar Nana Bhayın dəstəsinə qarşı təkzibolunmaz faktlar toplayır. O, bu sübutları qəzetdə dərc etmək üçün qaynına təhvil verir. Lakin xəyanət baş verir və bütün materiallar Nananın öz əlinə keçir. Cinayətkar qəzəblənərək Raqhuramın ailəsini onun azyaşlı oğlu Racaramın gözləri önündə qətlə yetirir.

Bu faciədən sağ çıxan Racaramın həyatında artıq tək bir məqsəd qalır. O, atasının və doğmalarının qisasını almaq üçün Nananın qruplaşmasını tapıb məhv etməyə qərar verir. «Shadow» filmi həyatı dağılmış gəncin amansız cinayətkarlarla qarşıdurmasından bəhs edir.

2013-cü ildə Hindistanda istehsal olunmuş döyüş və dram filminin rejissoru Meher Rameşdir. Ekran əsərində baş rolları Venkateş, Srikanth, Taapsi Pannu və Madhurima Banerdji canlandırıblar.