Vishwaroopam

Nirupama Amerikaya getmək arzusunu gerçəkləşdirmək üçün Nyu-Yorkda yaşayan rəqs müəllimi Vişvanath ilə ailə qurmağa razılıq verir. Bu evlilik ona molekulyar onkologiya sahəsində elmi araşdırmalar aparmaq imkanı yaradır. Lakin zaman keçdikcə ərinin davranışları qadını narahat etməyə başlayır və o, öz rəhbəri ilə yaxınlaşır.

Ərinin arxasında gizlənən sirlərdən xəbərsiz olan qadın tezliklə gözlənilməz reallıqla üzləşir. Adi rəqs müəllimi maskası altında tamam başqa bir insan və təhlükəli həyat gizlənir.

2013-cü il istehsalı olan «Vishwaroopam» döyüş və triller janrında çəkilmiş Hindistan filmidir. Ekran işinin rejissoru və baş rol ifaçısı Kamal Haasandır, digər əsas rolları isə Rahul Bose, Şekhar Kapur və Pudja Kumar canlandırıblar.