Vasitəçi

Əvvəllər polisdə ən bacarıqlı əməkdaşlardan sayılan Qan Te-şik hazırda xırda işlərlə dolanan özəl xəfiyyədir. Həyat yoldaşına xəyanət edən bir şəxsi izləmək tapşırığı onu motel otağına gətirib çıxarır. Lakin orada gözlənilən dəlillər əvəzinə naməlum qadının meyiti ilə qarşılaşır.

Televizorda qətlin lentə alınmış görüntülərini görən xəfiyyəyə elə həmin an zəng gəlir. Gizli şəxs videonun əsli müqabilində ondan xüsusi bir tələbi yerinə yetirməsini istəyir. Təhlükəsizlik kameraları və otaqdakı barmaq izləri Te-şikə qarşı yönəldiyindən, o, şantajçının təlimatlarına uyğun hərəkət etmək məcburiyyətində qalır.

2010-cu ildə ekranlara çıxan «Haegyeolsa» («Vasitəçi») döyüş və dedektiv filminin rejissoru Kvon Hyok-cedir. Cənubi Koreya istehsalı olan bu trillerdə əsas rolları Sol Qyon-qu, Li Con-cin, O Dal-su və Li Son-min canlandırıb.