Thalaivaa

«Thalaivaa» filmi Sidneydə firavan ömür sürən Vişva adlı tamil gəncinin başına gələnlərdən bəhs edir. O, gəlirli biznes idarə edir, dostları ilə rəqs yarışmasına hazırlaşır və qəribə xasiyyətli atası olan Mira adlı sevgilisi ilə evlənməyi düşünür.

Vişvanın Mumbayda qalan atası oğlunu ildə bircə dəfə ziyarət edir və ona qəti şəkildə Hindistana gəlməyi qadağan edir. Toy ərəfəsində xeyir-dua almaq istəyən gənc bu qadağanı pozaraq nişanlısı və onun atası ilə birlikdə Mumbaya yola düşür. Lakin Hindistana çatdıqda onu heç də atasının mehriban qucağı gözləmir.

2013-cü ildə Hindistanda istehsal olunmuş bu kriminal döyüş və dram filminin rejissoru Vicaydır. Ekran əsərində əsas rolları Vicay, Amala Pol, Santhanam və Sathyarac canlandırıblar.