Katya

Smolnı institutunun gənc yetirməsi Katya Dolqorukaya imperator II Aleksandrın portretini gizlicə yastığının altında saxlayır. Hökmdar məktəbi ziyarət edərkən bu gənc qızın gözəlliyini dərhal fərq edir. Bu tanışlıqdan sonra imperator onun ailəsini öz himayəsinə götürdüyünü elan edir.

İnstitutu bitirdikdən sonra Katya imperatorun məşuqəsi olur və onların münasibəti davam edir. Hökmdarın xəstə xanımı vəfat etdikdə, sevgililər gizli şəkildə nikah bağlayırlar. Lakin «Narodnaya volya» üzvlərinin qəfil sui-qəsdi nəticəsində II Aleksandr sevimli xanımının qollarında dünyasını dəyişir.

1959-cu il istehsalı olan «Katya» tarixi melodramını fransız rejissoru Robert Siodmak şahzadə Bibeskonun romanı əsasında lentə alıb. Əsas rolları Romi Şnayder, Kurd Yürgens, Pyer Blanşar və Antuan Balpetre canlandırıblar.