İnfant

İnqa səkkizyaşlı oğlu Kostyanı təkbaşına böyüdür və uşağa yaxşı ata ola biləcək bir insanla qarşılaşmaq istəyir. Uğursuz cəhdlərdən sonra qadın kardiocərrah Andrey ilə tanış olur və cütlük arasında güclü hisslər yaranır. Toy öncəsi uşaq kəndə göndərilir, Andrey isə sevdiyi qadına sürpriz edərək nikah günü Kostyanı rəsmən övladlığa götürdüyünü təsdiqləyən sənədi təqdim edir.

Toydan sonra uşağı bibisinin yanından götürməyə yollanan təzə bəylə gəlin ağır qəzaya düşür və İnqa dərhal dünyasını dəyişir. Dərin kədər içində tək qalan Andrey çətin sınaqla üz-üzə gəlir. Həkim indi taleyin ona tapşırdığı uşağa həqiqi ata olub-olmayacağına qərar verməlidir.

«İnfant» dram filmi 2006-cı ildə Rusiya və Ukraynanın birgə istehsalı ilə lentə alınıb. Layihənin rejissoru Oksana Bayrakdır. Baş rolları Dmitri Xaratyan, Aleksandra Afanasyeva-Şevçuk, Moşe Qaliaxmetov və İrina Brazqovka canlandırıblar.