Lovebirds

Valideynləri ilə birgə yaşayan filippinli Mario şəxsi duyğularını və həqiqi hisslərini ailəsindən gizlədir. O, internetdə Aleksis adlı ispaniyalı gənclə tanış olur və aralarında məsafəli romantik bağ yaranır. Çox keçmədən Aleksis Filippinə səfər etmək qərarına gəlir və Mario evdəkilərə xaricdən qonaq gələcəyini xəbər verir.

Lakin gənc oğlan qonağın cinsini valideynlərinə açıqlamır. Aleksis adını eşidən ailə üzvləri evə bir qızın təşrif buyuracağını zənn edir. Nəticədə əcnəbi qonağın gəlişi elə ilk dəqiqələrdən silsilə anlaşılmazlıqlara və gözlənilməz vəziyyətlərə yol açır.

«Lovebirds» filmi rejissor Ronaldo Bertubin tərəfindən 2008-ci ildə çəkilib. Filippin istehsalı olan bu melodramik komediyanın əsas rollarını Boots Anson-Roa, Tommi Abuel, Joseph Ison və Andres Aleksis canlandırır.