Akelarre

XVII əsrin əvvəllərində Basklar ölkəsinə Madrid şəhərindən inkvizitor Rosteqi təşrif buyurur. Kilsə nümayəndəsi bu bölgədəki cadugərliyin kökünü kəsmək niyyətindədir və yerli sakinlərin dilini belə şeytani əlamət sayır. Kişiləri dənizdə olan kənddən bir neçə gənc qız dərhal şübhə altına düşür. Onların sahildə rəqs etməsini qara magiya adlandıran inkvizisiya qızları zindana atır.

İstintaq zamanı məhbuslar amansız işgəncələrə məruz qalır, lakin onların iradəsini qırmaq mümkün olmur. Qızlar cəlladlara qarşı gözlənilməz plan qururlar. Şeytana qulluq etdiklərini yalandan etiraf edərək hakimi xüsusi ayin olan cadugər yığıncağına dəvət edirlər.

«Akelarre» dramatik trilleri rejissor Pablo Aquero tərəfindən 2020-ci ildə ekranlaşdırılıb. İspaniya, Argentina və Fransanın birgə istehsalı olan bu filmdə baş rolları Amaya Aberasturi, Aleks Brendemyul, Daniel Faneqo və Qarasi Urkola canlandırıb.