Doğma ruh

Məktəb vaxtı tanış olan iki qız qısa zamanda bir-birinə möhkəm bağlanır. Ailəsindəki problemlər ucbatından Mi-so günlərinin çoxunu Ha-ının evində keçirir və qızlar birlikdə böyüyürlər. İllər keçdikcə onların bu sarsılmaz dostluğu yeni sınaqlar qarşısında qalır.

Ha-ın sinif yoldaşına aşiq olanda rəfiqəsi onların münasibət qurmasına kömək edir. Lakin həmin oğlanın diqqəti Mi-soya yönəlir. Münasibətləri pozmaq istəməyən Mi-so təhsilini bitirən kimi Seula köçməyi qərara alır. Yolları ayrı düşən və fərqli həyatlar yaşayan bu iki insanın taleyi illər boyu bir-birinə bağlı qalmaqda davam edir.

Cənubi Koreya istehsalı olan «Doğma ruh» («Hello, My Soulmate») filmi 2023-cü ildə rejissor Min Yon-qın tərəfindən çəkilib. Ekran əsərində baş rolları Kim Da-mi, Çon So-ni, Pyon U-sok və Çan Hye-cin canlandırıblar.