Romantika

Yun Hi rəqs etməyi və yaşamağı sevən gənc bir qadın idi. Lakin hakimiyyət hərisi və qəddar bir adamla evləndikdən sonra onun günləri ardı-arası kəsilməyən əzaba çevrildi. Həyat yoldaşı bütün daxili komplekslərini onun üzərində çıxarmağa başladı.

Digər tərəfdən, ədalət uğrunda mübarizə aparan polis detektivi Kim Xyon Cun da ağır sınaqlarla üzləşir. Qanunun keşiyində duran polisin bu həyat tərzinə dözə bilməyən həyat yoldaşı oğlunu da götürərək onu tərk edir.

Cənubi Koreya istehsalı olan «Romangseu» melodram filmi 2006-cı ildə rejissor Mun Sın-uk tərəfindən çəkilib. Baş rolları Ço Ce-hyon, Kim Ci-su, Can Hyon-son və Yun Ce-mun canlandırırlar.