Ride

Kollec tələbəsi Arcun hər şeydən çox şəxsi motosiklet almaq istəyir, lakin xəsis atası bunun üçün pul verməyə qəti şəkildə razılaşmır. Eyni zamanda ailəsi maddi çətinlik çəkən digər gənc Maheş borc toplayan işinə düzəlir. Bu iş üçün əsas şərt isə mütləq ikitəkərli nəqliyyat vasitəsinin olmasıdır. Oğlunun işə girməsi üçün anası ailə zinət əşyalarını və yığılmış pullarını sataraq ona motosiklet alır.

Çox keçmədən Maheşin motosikletini oğurlayırlar. Bir müddət sonra o, küçədə Arcunun məhz həmin oğurlanmış baykı sürdüyünü təsadüfən görür. Beləliklə, bir-birini tanımayan bu iki gəncin həyatı kəsişir və aralarında qarşıdurma yaranır.

Hindistan istehsalı olan «Ride» dram filmi 2009-cu ildə rejissor Rameş Varma tərəfindən çəkilib. Ekran əsərində baş rolları Nani, Tanish, Şveta Prasad və Akşa Pardasani canlandırıb.