Oyun

Maddi çətinliklərlə üzləşən gənc və yoxsul bir rəssamın yolu qocaman bir varlının malikanəsinə düşür. Bu yaşlı adam böyük sərvətə sahib olsa da, gəncliyini və sağlamlığını çoxdan itirib. Üstəlik, qocanın ən böyük həvəsi böyük məbləğlərlə riskli mərclərə girməkdir.

Ev sahibi gənc rəssama təhlükəli bir təklif irəli sürür. Əlində qoymağa pulu olmayan gəncin yeganə dəyərli varlığı öz gənc bədənidir. Beləliklə, məğlubiyyət halında rəssam bədənini qəribə qocaya təhvil vermək şərtilə bu müəmmalı oyuna daxil olur.

Cənubi Koreya istehsalı olan «Deo ge-im» trilleri 2008-ci ildə rejissor Yoon In-ho tərəfindən çəkilib. Baş rollarda Shin Ha-kyun, Byun Hee-bong, Lee Hye-young və Son Hyun-joo çəkiliblər.