Sağ qalan

Varlı və qəddar Viktor Harris malikanəsinin zirzəmisində qurduğu gizli kamerada insanlara işgəncə verərək öz qaranlıq istəklərini təmin edir. Əzab çəkən qurbanların susdurulması işində ona hər zaman pulları və etibarlı vəkili Roman kömək edir. Lakin manyakın həyat yoldaşı Elizabet vəkil ilə gizli sövdələşməyə girərək onu aradan götürmək qərarına gəlir.

Cinayət şərikləri Viktoru zəhərləyib onun ölümünü narkotik qəbulu kimi qələmə vermək və bütün sərvətinə sahib çıxmaq niyyətindədir. Təhlükəli plan tam baş tutmur: güclü zəhər kişini yalnız hərəkətsiz qoysa da, onun duyğularını və şüurunu söndürmür. Qəbirdən xilas olan qəzəbli cani ona xəyanət edən arvadını və vəkilini öz işgəncə otağına salaraq intiqam almağa başlayır.

2006-cı ildə Kanadada çəkilmiş «Living Death» qorxu filminin rejissoru Erin Berridir. Baş rolları Kristi Suonson, Qreq Brayk, Coşua Pis və Kelsi Metison ifa ediblər.