Şef-aşpaz

Nüfuzlu restoranda baş aşpaz vəzifəsi uğrunda gedən yarış faciə ilə bitdikdən sonra Son-çhan peşəsindən uzaqlaşır. Kəndə qayıdan gənc usta burada təsərrüfatla məşğul olmağa başlayır və sakit həyatından razı görünür.

Lakin yanına gələn bir jurnalist onu fikrindən daşındırır. Həmin müxbir Son-çhanı Coson sülaləsinin kral aşpazının varisi adını qazanmaq üçün təşkil olunan yarışa qatılmağa razı salır. Aşpaz nüfuzunu bərpa etmək məqsədilə yenidən mətbəxə keçməli və köhnə rəqibi Bon-cu ilə üz-üzə gəlməlidir.

Cənubi Koreya istehsalı olan bu dram və komediya filmini rejissor Çon Yun-su çəkib. 2007-ci ildə nümayiş olunan ekran əsərində baş rolları Kim Qan-u, Lim Von-hi, Li Ha-na və Çon Eun-pxyo canlandırıblar.