Yuxu

Hadisələr qədim Silla dövlətində cərəyan edir. Buddizm rahibi Çosin adlı din xadimi kübar ailədən olan Talle adlı gənc qadınla qarşılaşır və ona dəlicəsinə vurulur. Həmin qadının artıq nüfuzlu bir döyüşçü ilə nişanlı olması da rahibin qəlbində alovlanan hisslərin qarşısını ala bilmir.

Ehtirasını boğa bilməyən Çosin sevdiyi qadına qovuşmaq arzusu ilə bodhisattvaya yalvarır. Nəfsinə məğlub olan rahib verdiyi dini andları pozaraq Talleni özü ilə aparır. O, sevdiyi insanla birlikdə yeni bir həyat qurmağa cəhd edir.

«Yuxu» tarixi dramı 1990-cı ildə Cənubi Koreyada istehsal olunub və rejissor Pe Çxan-ho tərəfindən lentə alınıb. Filmin əsas rollarını An Son-gi, Hvan Şin-he, Çon Bo-sok və Çhve Con-von ifa ediblər.