Sangram

Keçmişdə baş verən kədərli hadisə Thakur Ran və Surac Kanvar ailələri arasında illərlə davam edən böyük ədavətə yol açır. Bacısının ölümündə Suracı günahkar bilən Thakur uzun müddət qarşı tərəflə barışmaqdan imtina edir. İki nüfuzlu nəsil arasındakı bu düşmənçilik uzun illər səngimək bilmir.

Lakin Thakurun həyat yoldaşı qızı Madhunun Suracın oğlu Raciya aşiq olduğunu öyrəndikdə hər şey dəyişir. Qadın nəsillər arasındakı nifrətə son qoymaq üçün Kanvar ailəsi ilə razılığa gəlir və toy hazırlıqları başlayır. Hər kəsin barışıq gözlədiyi nişan mərasimində isə Raci gözlənilmədən Madhu ilə evlənməkdən imtina edir.

«Sangram» adlı hind melodram filmi 1993-cü ildə rejissor Lourens D’Souza tərəfindən çəkilib. Ekran əsərində baş rolları Acay Devqan, Karişma Kapur, Ayeşa Culka və Amriş Puri canlandırıb.