Oğul

Varlı ata balaca Racunun heç nəyə ehtiyac duymamasına çalışır, lakin uşaq ana nəvazişindən məhrum böyüyür. Oğlunun kədərini görən ata vəziyyəti dəyişmək üçün ikinci dəfə ailə qurur. Lakin evə gələn ögey ana xeyirxahlıqdan uzaqdır və onun əsas məqsədi ailənin sərvətini ələ keçirmək olur.

Qadın ərinin və himayəsindəki oğlanın var-dövlətinə sahib çıxmaq üçün hiyləgər planlar qurur. Lakin gənc Racu aşiq olduqda vəziyyət tamamilə dəyişir. Gənclərin səmimi məhəbbəti acgöz ögey ananın qurduğu bütün məkrli niyyətləri alt-üst etməyə başlayır.

Hindistan istehsalı olan «Beta» dram filmi 1992-ci ildə ekranlara çıxıb. Ekran əsərinin rejissoru İndra Kumar, baş rolların ifaçıları isə Anil Kapur, Madhuri Dikşit, Aruna İrani və Lakşmikant Berdedir.