Ürəkdən

Radio jurnalisti Amar Varma terrorçuluq mövzusunda reportaj hazırlamaq üçün Assam ştatına yollanır. Ona yerli separatçı qruplaşmanın lideri ilə görüş təşkil edəcəklərini vəd edirlər. Səfər zamanı Amar qarşılaşdığı Meqhna adlı sirli qadına ilk baxışdan vurulur. Lakin separatçıların gizli tapşırığını yerinə yetirən bu qadın Amar ilə ünsiyyətdən qaçmağa çalışır.

Nəhayət Amar hisslərini ona etiraf edib evlilik təklifi göndərsə də, qəti rədd cavabı alır. Məyus halda Dehliyə qayıdan jurnalist ailəsinin onun üçün seçdiyi Priti ilə nişanlanmağa razılıq verir. Toy hazırlıqlarının qızğın çağında isə Meqhna gözlənilmədən Amarın evində peyda olur və vəziyyət tamam başqa məcraya yönəlir.

1998-ci ildə çəkilmiş «Ürəkdən» (Dil Se..) filminin rejissoru Mani Ratnamdır. Hindistan istehsalı olan melodram janrlı ekran əsərində baş rolları Şahrux Xan, Manişa Koirala, Priti Zinta və Raqhuvir Yadav canlandırıblar.