Jeans

Keçmişdə ailəvi itki yaşayan və doğma qardaşı ilə yollarını ayıran Radcamani əkiz oğulları Vişu və Ramunu təkbaşına böyüdür. Ata oğullarını mütləq doğma bacılarla evləndirəcəyinə dair özünə söz verir. Lakin Vişu nənəsi ilə birlikdə Amerikaya gələn Madhumita adlı qıza aşiq olur. Evlilik xahişini eşidən ata qızın bacısı olmadığı üçün bu izdivaca qəti şəkildə qarşı çıxır.

Nəvəsinin xoşbəxtliyini istəyən nənə çıxış yolunu kələkdə tapır və Radcamanini Madhumitanın əkiz bacısının olduğuna inandırır. Bu uydurmanı davam etdirmək və var olmayan bacı obrazını inandırıcı göstərmək üçün gəlinin bütün ailə üzvləri böyük bir tamaşaya qoşulurlar.

1998-ci ildə Hindistanda çəkilmiş «Jeans» melodramatik komediyasının rejissoru S. Şankardır. Filmdə əsas rolları Praşanth, Ayşvariya Ray Baççan, Nassar və Sentil canlandırıblar.