A un

Ordu illəri Kadokura və Mizutanı bir-birinə bağlayaraq onları ayrılmaz dostlara çevirir. İllər keçdikcə hər iki yoldaşın taleyi tamamilə fərqli istiqamətdə inkişaf edir. Mizuta gözəl Tami ilə ailə quraraq bir qız övladı böyüdür və sakit bir həyat sürür. Kadokura isə xeyli varlansa da, sevmədiyi qadınla yaşamağa məcbur olur və uşaq sahibi ola bilmir.

Şəxsi həyatındakı boşluqlara baxmayaraq, imkanlı Kadokura köhnə dostuna hər addımda arxa durmağa çalışır. Bu dəstək təkcə Mizutanın özü ilə məhdudlaşmır. O, dostunun ailəsinə, xüsusən də Tamiyə və balaca qızına böyük diqqət və qayğı göstərir.

«A un» dram filmi 1989-cu ildə Yaponiyada istehsal olunub. Ekran əsərinin rejissoru Yasuo Furuhatadır. Əsas rolları Ken Takakura, Eiji Bando, Junko Fuji və Yasuko Tomita canlandırıblar.