Pompeyin son günü

Bizim eranın 79-cu ilinin avqust ayında Vezuvi vulkanının qəfil püskürməsi Pompey şəhərinin və ətraf məntəqələrin on minlərlə sakinini hazırlıqsız yaxalayır. Qədim Roma şəhərinin əhalisi gözlənilmədən böyük bir təbii fəlakətlə üz-üzə qalır.

«Pompeii: The Last Day» filmi bu faciəli hadisələrin xronikasını təqdim edir. Püskürmənin ilk saatlarında minlərlə insan həyatını itirir, sonrakı bir neçə gündə isə salamat qalanlar da məhv olur və abad şəhər tamamilə xarabazara çevrilir.

2003-cü ildə ekranlara çıxan tarixi dram janrındakı filmin rejissoru Piter Nikolsondur. Böyük Britaniya, ABŞ, Almaniya və Fransanın birgə istehsalı olan layihədə baş rolları Elisdeyr Simpson, Tim Piqott-Smit, Cim Karter və Conatan Fert canlandırıb.