Xoşbəxt ailə

Nüfuzlu və son dərəcə varlı Girdharilal xəsisliyinə görə ətrafında xeyli düşmən qazanıb. Onun sərvətinə göz dikən kasıb Bankelal plan quraraq varlını oğurlayır və onun yerini tutaraq zənginlik içində yaşamağa başlayır.

Lakin bu hiylə uzun sürmür, çünki Girdharilalın gözəl qızı Radha atasının yerinə başqa birinin keçdiyini hiss edir. Ailəsinin başına gələnləri aydınlaşdırmaqda qıza vaxtilə atasının işə qəbul etmədiyi Prakaş kömək edir.

«Ghar Sansar» adlı Hindistan istehsalı komediya və dram filmi 1986-cı ildə rejissor K. Bapayya tərəfindən çəkilib. Ekran əsərinin əsas obrazlarını Citendra, Şridevi, Kader Xan və Rancit canlandırıblar.