Səhər qatarı

Gənc Ravidas kiçik bir Hindistan kəndində bərbər ailəsində böyüyüb. Şəhərdə təhsil aldıqdan sonra o, atasının sənətini davam etdirməkdən imtina edərək şeir yazmağa başlayır. Tezliklə gənc şair ilə kəndin gözəli Coti arasında qarşılıqlı sevgi yaranır və bu münasibət hamıya bəlli olur. Lakin Cotinin brahman zümrəsinə mənsub olması səbəbindən onların qovuşması kasta qaydalarına ziddir.

Kənd mühitində uğur qazana bilməyəcəyini anlayan Ravi xəyallarını gerçəkləşdirmək üçün şəhərə üz tutur. Təsadüf nəticəsində o, nüfuzlu bir nəşriyyat sahibinin qızı Ramanı xilas edir və bu hadisə onun yaradıcılıq yolunu açır. Şeirləri çap olunan və şöhrət qazanan gənc, sevdiyi qızla əlaqəni hər gün yola düşən səhər qatarı vasitəsilə saxlayır. Həmin vaxt isə kənddə Cotinin yeznəsi ona göz dikir və arvadı Sukdeyin narazılığına baxmayaraq ağsaqqallar şurasından ikinci izdivac üçün icazə alır.

Hindistan istehsalı olan «Səhər qatarı» dram filmi 1986-cı ildə ekranlara çıxıb. Ekran əsərinin rejissoru Bharatiharacadır. Filmdə əsas rolları Sanni Deol, Punam Dillon, Prem Çopra və Bindu canlandırıblar.