Sözlərin gizli həyatı

Dənizin ortasındakı neft platformasında baş verən qəza nəticəsində bir işçi ağır xəsarət alır. Kişilərdən ibarət kollektivin çalışdığı bu təcrid olunmuş yerə keçmişini unutmaq istəyən qapalı bir qadın tibb bacısı kimi gəlir.

Yataq xəstəsi ilə ona qulluq edən qadın arasında sirlər, acı xatirələr və zarafatlarla dolu qəribə bir yaxınlıq yaranır. Bu ünsiyyət hər iki qəhrəmanın daxili dünyasında dərin iz buraxaraq onların sonrakı taleyini birdəfəlik dəyişir.

İspaniya və İrlandiyanın birgə istehsalı olan «The Secret Life of Words» dram filmini 2005-ci ildə rejissor İzabel Koyşet çəkib. Əsas rolları Sara Polli, Tim Robbins, Xavyer Kamara və Sverre Anker Ousdal canlandırıblar.