Sevgi andı

Gənc və gözəl qadın təmizlik işləri ilə məşğul olaraq dolanır və alkoqol asılılığı olan atası ilə birlikdə yaşayır. Kasıb və çətin şəraitə baxmayaraq, o, qürurunu qoruyur və ətrafdakı insanların diqqətini çəkir.

Atasının ölümündən sonra o, evsiz qalır və quldur dəstəsinin zorakılıq təhlükəsi ilə üz-üzə gəlir. Həmin an onun köməyinə əvvəllər kobud və tənbəl hesab edərək tez-tez mübahisə etdiyi bir kişi çatır. O, qadını təhlükədən qoruyur və ona öz evində sığınacaq verir.

Hindistan istehsalı olan «Prem Pratigyaa» dram filmi 1989-cu ildə nümayiş olunub. Filmin rejissoru Bapudur, baş rollarda isə Mitxun Çakraborti, Madhuri Dikşit, Vinod Mehra və Rancit çəkiliblər.