Bəxtəvər

Nüfuzlu sənayeçinin oğlu ilə evlənən Alka ərinin ailəsinə məxsus bütün sərvəti ələ keçirmək niyyətinə düşür. Qadın qayınatası və qohumlarına qarşı hiyləgər planlar qurmağa başlayır. Hədəfə çatmaq üçün o, ərinin kiçik qardaşı Amarı zorlama cəhdində günahlandırır.

Bununla kifayətlənməyən mənfəətpərəst gəlin bu dəfə qayınatasını saxta dərman istehsal etməkdə ittiham edərək ona qarşı yalançı cinayət işi qondarır. Lakin qurduğu hiylələr nəticə vermir və onun bütün qaranlıq planları iflasa uğrayır.

«Bəxtəvər» (Bhagyawan) Hindistan istehsalı olan dram janrında çəkilmiş 1994-cü il filmidir. Ekran əsərinin rejissoru S.K. Subaşdır, baş rollarda isə Qovinda, Cuhi Çavla, Pran və Aşa Parex çıxış edir.