Tənha kişi

İngilis ədəbiyyatı professoru Corc on altı il birgə yaşadığı sevgilisi Cimin qəfil ölümündən sonra ağır sarsıntı keçirir. Hadisələr 1962-ci ildə Los-Anceles şəhərində cərəyan edir. Qəhrəman özünə cəmi bir gün vaxt verir və bu müddətdə gələcəyinin qalıb-qalmadığı sualına cavab tapmağa çalışır.

Həyatın mənasını itirən Corc təsəllini köhnə rəfiqəsi Şarlottanın yanında axtarır. O, ətraf aləmin gözəlliklərinə diqqət yetirərək yaşamaq üçün yeni bir səbəb kəşf etmək istəyir.

ABŞ istehsalı olan «A Single Man» dram filmi 2009-cu ildə nümayiş olunub. Layihənin rejissoru Tom Forddur, baş rolları isə Kolin Fört, Culianna Mur, Nikolas Holt və Metyu Qud canlandırıblar.