Kaash

Riteşin kino karyerası uğursuzluqla nəticələnib. Həyatı alt-üst olan keçmiş aktyor getdikcə içkiyə qurşanır və cəmiyyətin ən dibinə yuvarlanır. Həyat yoldaşı Paca da artıq gələcəyə dair bütün ümidlərini itirib. O, ailəni birtəhər dolandırmaq üçün qabyuyan və xadimə kimi müxtəlif ağır işlərdə çalışır.

Lakin cütlüyün ən böyük sınağı qarşıdadır. Valideynlər azyaşlı övladlarının sağalmaz xəstəliyə tutulduğunu öyrənirlər. «Kaash» filmi ailənin bu dəhşətli həqiqətlə necə üzləşdiyini təqdim edir.

Hindistan istehsalı olan bu dram filmi 1987-ci ildə rejissor Maheş Bhatt tərəfindən çəkilib. Ekran əsərində baş rolları Ceki Şroff, Dimpl Kapadiya, balaca aktyor Master Makrand və Anupam Kher canlandırıblar.