Həkim

Neyrocərrah Yuri Mixayloviçin iş günləri şəhər xəstəxanasında keçir. O, vaxtını mürəkkəb əməliyyatlara, xəstələrin müayinəsinə və yer ayrılması üçün bürokratik məsələlərin həllinə sərf edir. Hər gün ağır diaqnozlar səsləndirən həkim pasiyentlərin və onların yaxınlarının ümid dolu baxışları qarşısında qalır.

Onu ən çox narahat edən məqam isə ömrünün qalan hissəsini hərəkətsiz və şüursuz keçirməyə məhkum olan insanlardır. Həkim bəzən xilas etdiyi xəstələrin sadəcə ölüm prosesini uzatdığını anlayır. Bir gün özünün də bu hala düşə biləcəyi qorxusu onu o qədər sarsıdır ki, yaxın rəfiqəsindən belə bir vəziyyət yaranarsa, yüksək doza insulinlə onun həyatına son qoymasını istəyir.

«Həkim» dramı 2016-cı ildə Rusiyada çəkilib. Filmin rejissoru və baş rol ifaçısı Qoşa Kutsenkodur, ekran əsərində həmçinin Mariya Poroşina, Aleksandr Yatsko və Yuri Kuznetsov rol alıblar.