Gizli ehtiraslar

Klub rəhbərinin təzyiqlərinə boyun əyməyən Sandrin və onu müdafiə edən Natali işlərini itirirlər. Şounun ən parlaq ifaçısı olan Natali küçədə qalan yeni tanışına sahib çıxaraq onu öz evinə gətirir. Beləliklə, heç bir maddi dayağı olmayan iki qadın birgə yaşamağa başlayır.

Natali təcrübəsiz rəfiqəsinə cazibədarlığın gücünü və bədən dilindən istifadə qaydalarını öyrədir. Qızlar kişiləri öz istəklərinə uyğun yönləndirməyi və bu yolla sosial pillələri qalxmağı qarşılarına məqsəd qoyurlar. «Secret Things» adlı filmdə onların bu təhlükəli oyunu necə qurduqları əks olunur.

2002-ci ildə Fransada lentə alınan melodramın rejissoru Jan-Klod Brisso olub. Əsas obrazları Korali Revel və Sabrina Seyveku canlandırıblar. Digər mühüm rollarda isə Roje Mirmon və Fabris Devil çəkiliblər.