Buğda

Böyük ekoloji fəlakətdən sonra bəşəriyyət ağır vəziyyətə düşüb. İnsanların çoxu aclıq və səfalət içində yaşayarkən, cəmiyyətin imtiyazlı təbəqəsi xüsusi plantasiyaları olan qorunan şəhərlərə sığınıb. Belə qapalı zonalardan birində fəaliyyət göstərən genetik Erol son vaxtlar məhsulların məhv olması səbəblərini araşdırır.

Bitkilərin tələf olmasının arxasında duran amilləri öyrənmək istəyən alim təhlükəsiz şəhəri tərk edir. Axtarışlar onu kimsəsiz və yaşayış olmayan çöllüklərə gətirib çıxarır. Erol burada vaxtilə şəhərdən qovulmuş digər alim Cəmil ilə qarşılaşır.

«Buğda» (Grain) filmi Türkiyə rejissoru Semih Kaplanoğlu tərəfindən ekranlaşdırılıb. Dram və elmi-fantastika janrındakı layihə Almaniya, Fransa, Türkiyə, İsveç və Qətərin ortaq istehsalıdır. Əsas rolları Jan-Mark Barr, Ermin Bravo, Qriqori Dobrıqin və Kristina Flutur canlandırıb.