Paar

Hadisələr Hindistanın Bihar ştatındakı kəndlərin birində cərəyan edir. Varlı mülkədara xidmət edən muzdlular aşağı təbəqədən olan yoxsul sakinlərin sığınacaqlarına hücum çəkərək evlərini yandırırlar. Kəndlilərin hüquqlarını müdafiə edən mütərəqqi fikirli məktəb müəllimi bu qanlı toqquşmada həyatını itirir. Haqsızlığa dözməyən kəndli Navrangiya intiqam alaraq mülkədarın qardaşını öldürür.

Gözlənilən təqibdən və intiqamdan xilas olmaq istəyən Navrangiya hamilə həyat yoldaşı Rama ilə birlikdə doğma torpaqları tərk etməyə məcbur qalır. Gələcək təhlükələrdən qaçan cütlük sığınacaq tapmaq ümidi ilə tələsik Kəlkətə şəhərinə üz tutur.

«Paar» adlı Hindistan dram filmi 1984-cü ildə istehsal olunub. Ekran əsərinin rejissoru Qautam Qhoşdur. Baş rolları Nəsirəddin Şah, Şabana Azmi, Utpal Datt və Anil Çatterci canlandırıblar.