Bleeding Love

Aşırı doza səbəbindən çətin anlar yaşamış iyirmi yaşlı qızını xilas etmək istəyən ata köhnə avtomobili ilə yola çıxır. O, övladını tanışının rəsm studiyasına aparmağa qərar verir. Atanın ən böyük ümidi qızının yenidən fırçanı əlinə alması və incəsənət vasitəsilə həyata dönməsidir.

Səfər boyu qəhrəmanlar müxtəlif insanlarla qarşılaşır və qəribə hadisələrin iştirakçısı olurlar. Bu uzun yolçuluq onları keçmiş xatirələri yada salmağa, səhvlərini etiraf etməyə və aralarındakı soyuq münasibəti yoluna qoymağa sövq edir.

ABŞ istehsalı olan bu dram filmi rejissor Emma Vestenberq tərəfindən lentə alınıb və 2023-cü ildə təqdim edilib. Əsas rolları real həyatda da ata-bala olan Yuen Makqreqor və Klara Makqreqorla yanaşı Devin Makdauell və Vera Bulder canlandırıblar.