Culi Conson

Evdar qadın Culi Conson gündəlik ailə məişətinin yeknəsəkliyindən yorulub. O, özünü ətrafındakılardan xeyli ağıllı hiss edir və bu düşüncəsində tamamilə haqlıdır. Yeni biliklər əldə etmək üçün kompüter kurslarına yazılan Culi daxilində həyatını dəyişmək üçün böyük güc və istək aşkar edir.

Yaranmış bu yeni mərhələdə ona yaxın rəfiqəsi Kler dayaq durur. Hər iki qadın birlikdə arzularını gerçəkləşdirməyə başlayır və çiyin-çiyinə addımlayırlar. Bir-birinə getdikcə daha çox bağlanan rəfiqələr bir müddət sonra aralarındakı hisslərin əsl sevgiyə çevrildiyini anlayırlar.

ABŞ istehsalı olan «Culi Conson» dram filmi 2001-ci ildə rejissor Bob Qoss tərəfindən çəkilib. Ekran əsərində baş rolları Lili Teylor, Kortni Lav, Noa Emmerix və Mişa Barton canlandırıblar.