Fəhlə

Zəhmətkeş Dinanath öz fabrikinə sahib olmaq arzusundadır. O, elə bir müəssisə qurmaq istəyir ki, bütün işçilər orada bərabərhüquqlu tərəfdaş kimi fəaliyyət göstərsinlər. Müəyyən qədər vəsait toplayan Dinanath öz işini qurur və zamanla uğurlu bir fabrik sahibinə çevrilir. Vaxtilə evinə sığınacaq verdiyi Aşok da ona bütün işlərində kömək edir.

Lakin Dinanathın qazandığı uğurlar bədxahların diqqətindən yayınmır və onlar fabriki ələ keçirmək qərarına gəlirlər. Aşok da gözlənilmədən həmin paxıl rəqiblərin tərəfinə keçir. Beləliklə, zəhmətlə qurulan müəssisə həm xəyanət, həm də itirilmək təhlükəsi ilə üz-üzə qalır.

«Fəhlə» (Mazdoor) adlı Hindistan istehsalı olan dram filmi 1983-cü ildə ekranlara çıxıb. Ekran əsərinin rejissoru Ravi Çopradır. Baş rolları Dilip Kumar, Nanda, Rac Babbar və Padmini Kolhapure canlandırıblar.