Anand

Həkim Bhaskar ədəbiyyat sahəsində nüfuzlu «Sarasvati» mükafatına layiq görülür. Oxucular onun kitablarındakı personajların canlı və həqiqi insanlardan götürülmüş xarakterlərini yüksək qiymətləndirirlər. Günlərin birində həkim Anand adlı gənc bir insanla tanış olur.

Anand ətrafındakılara nikbinlik və sevinc bəxş etməyə çalışan, təmiz qəlbli biridir. Lakin onun xərçəng xəstəliyinə tutulduğu məlum olur. Bu xəbərdən sonra Bhaskar insanlardan uzaqlaşaraq bütün vaxtını həmin xəstəliyi dərindən araşdırmağa həsr edir. Anand isə ölümcül dərəcədə xəstə olmasına baxmayaraq, son nəfəsinə qədər həyatını xoşbəxt yaşamağa qərar verir.

1971-ci ildə Hindistanda istehsal edilmiş bu dram filminin rejissoru Rişikeş Mukhercidir. «Anand» filmində əsas rolları Raceş Khanna, Amitabh Baççan, Sumita Sanyal və Rameş Deo canlandırıblar.