Prem Rog

Yetim böyüyən Devdhar varlı mülkədərin qızı Manorama ilə uşaqlıqdan bəri yaxın dost olub. Zaman keçdikcə gəncin qəlbində güclü hisslər baş qaldırsa da, o, sevgisini etiraf etməyə cəsarət tapmır. Qısa müddət sonra Manoramanı başqa birinə ərə verirlər, lakin toyun ardınca onun həyat yoldaşı avtomobil qəzasında həlak olur.

Hinduizm adət-ənənələrinə əsasən, dul qalan qadın ömrünün sonunadək ərinin xatirəsinə sadiq qalmalı və təcrid olunmuş həyat sürməlidir. Belə bir vəziyyətdə Devdhar sevdiyi qadını tək qoymamaq və birgə xoşbəxtlikləri naminə sərt qaydalara qarşı çıxmaq qərarına gəlir. İki gənc köhnəlmiş inancları qoruyan cəmiyyətin təzyiqi ilə üz-üzə qalır.

1982-ci il istehsalı olan «Prem Rog» musiqili dram filminin quruluşçu rejissoru Rac Kapurdur. Hindistan kinosunun bu məşhur melodramında əsas obrazları Şammi Kapur, Nanda, Tanuca və Vicayendra Qhatqe canlandırıblar.