Ev bir məbəddir

Prem və Lakşmi artıq on ildir ki, evlidirlər. Onlarla eyni dam altında yaşayan kiçik qardaşlar Vicay və Ravi gəlinlərinə ana kimi ehtiram bəsləyirlər. Ailə üzvləri öz evlərini sevgi, sədaqət və dürüstlüyün qorunduğu müqəddəs bir ocaq hesab edirlər.

Fabrik işçilərinin haqlarını ardıcıl müdafiə edən Prem rüşvətxor Şerunun yerinə həmkarlar ittifaqının yeni rəhbəri seçilir. Fəhlələrin liderinə çevrilməsi onu fabrikin sahibinin birbaşa və ən qatı düşməninə çevirir.

Hindistan istehsalı olan «Ghar Ek Mandir» dram filmi 1984-cü ildə nümayiş olunub. Ekran əsərinin rejissoru K. Bapayyadır, əsas rolları isə Şaşi Kapur, Mouşumi Çatterci, Mitxun Çakraborti və Rancita Kaur canlandırıblar.