Qırılmaz bağ

Vikram varlı torpaq sahibi Kumarın təsərrüfatlarından birində idarəçi kimi işə düzəlir. Yaxınlıqdakı kənddə o, Rani adlı gözəl bir qızla tanış olur və gənclər bir-birinə aşiq olurlar. Vikram vəzifəsini layiqincə yerinə yetirsə də, naməlum səbəblərdən qəflətən bir illik həbs cəzasına məhkum edilir.

Cəza müddəti başa çatdıqdan sonra doğma kəndə qayıdan kişi sevgilisini tapa bilmir və ona Raninin öldüyünü bildirirlər. Kədər içində şəhərə köçən Vikram təsadüfən keçmiş rəhbəri Kumarın yanında sevdiyi qadını görür. Lakin qadın onu tanıdığını qətiyyətlə inkar edərək özünü Rita kimi təqdim edir.

1975-ci ildə Hindistanda istehsal olunmuş «Qırılmaz bağ» (Raftaar) dram filminin rejissorları Dinesh-Ramanesh və Ramesh Puridir. Əsas obrazları Moushumi Chatterji, Vinod Mehra, Denni Denzonqpa və Arpana Çaudhari canlandırıblar.