Çayda alma

Liman fəhləsi Yanis balıqçı kəndindən Riqaya təhsil almağa gələn tələbə qız Anita ilə tanış olur. Anita gəncin dəvətini qəbul edərək onun həvəskar musiqi qrupunda çıxış etdiyi kluba yollanır. Rəqslərlə dolu gecəni Yanisin evində başa vuran qız səhəri gün gözlənilmədən evinə qayıdır. Yanisin onu qohumlarının yanında axtarmaq cəhdləri isə heç bir nəticə vermir.

Bir müddət keçdikdən sonra Anita yenidən peyda olur və hamilə qaldığını bildirir. Yanis ona yeni aldığı mənzildə birgə yaşamağı təklif edir. Lakin bu addımın yalnız yazıqlıq hissi ucbatından atıldığını düşünən gənc qadın onun təklifini qəbul etmir.

«Çayda alma» (Abols upe) filmi 1976-cı ildə SSRİ-də lentə alınıb. Melodram janrında olan filmin rejissoru Ayvars Freymanisdir. Baş rolları İvar Kalnınyş, Akvelina Livmane, Layma Jurqina və Boris Arakelov canlandırıblar.