Swami

Atasını erkən yaşda itirən Mini faktiki olaraq anasının diqqətindən kənarda qalır, çünki qadın bütün vaxtını dualara həsr edir. Qızı böyüdən və onun hər arzusunu yerinə yetirən dayısı olur. Mini universitetdə təhsil alır, kitablara maraq göstərir və qonşusu Narenə qarşı rəğbət bəsləyir.

Lakin dayısının ölümqabağı vəsiyyəti gənc qızın planlarını alt-üst edir. Yaşlı qohumu onun Qhanşyam adlı yad bir şəxslə ailə qurmasını istəyir. Məhz bu məqamda Narenə olan hisslərinin ciddiliyini anlayan Mini ailənin sonuncu tələbini yerinə yetirmək məcburiyyətində qalır.

1977-ci ildə Hindistanda istehsal olunmuş «Swami» dram filminin rejissoru Basu Çattercidir. Baş rolları Şabana Azmi, Giriş Karnad, Utpal Datt və Dhirac Kumar canlandırıblar.