Tim

Gənc və xeyirxah Tim tikintidə çalışır. Zehni inkişafında məhdudiyyətlər olduğuna görə iş yoldaşları vaxtaşırı onunla zarafatlaşır, ona sataşırlar. Bir gün yaşca ondan xeyli böyük olan Meri adlı qadın həyətindəki bağ işlərini görmək üçün Timi köməyə çağırır.

Bir neçə günlük planlaşdırılan iş həftələrlə davam edir. Birlikdə vaxt keçirdikcə bu iki fərqli insan bir-birini daha yaxından tanıyır və aralarında səmimi duyğular yaranır. Lakin kiçik şəhərin sakinləri bu yaxınlaşmanı birmənalı qarşılamır, qınaq dolu baxışlar və söz-söhbətlər artmağa başlayır.

Avstraliya istehsalı olan «Tim» filmi 1979-cu ildə çəkilib. Melodram janrındakı ekran əsərinin rejissoru Maykl Peytdir, baş rolları isə Payper Lori, Mel Gibson, Elvin Körts və Pet Evison canlandırıb.