Kinara

Ağır qəzadan sonra özünə gələn İnder çətin günlər keçirir. Memar dayısının təkidi ilə gənc oğlan ab-havanı dəyişmək və yerli memarlıq nümunələri ilə tanış olmaq üçün Mandi şəhərinə yola düşür.

Səfər zamanı o, Arti Sanyal adlı gənc qadınla qarşılaşır. Keçmişdə rəqqasə olan Arti nişanlısının faciəvi itkisindən sonra səhnə həyatından uzaqlaşıb. Hazırda onun yeganə amalı sevdiyi adamın ölümündən az əvvəl tamamladığı kitabı nəşr etdirməkdir.

«Kinara» adlı Hindistan dram filmi 1977-ci ildə ekranlara çıxıb. Ekran əsərinin quruluşçu rejissoru Sampuran Sinqh Qulzar olub, əsas obrazları isə Citendra, Hema Malini, Dharmendra və Om Şivpuri canlandırıb.