Sevgi sınağı

Müstəmləkə zülmü altında olan Hindistanda xalq azadlıq hərəkatına qoşulur. Gənc şair Raceş isə ictimai hadisələrdən uzaq duraraq bütün diqqətini sevdiyi qız Kaminiyə yönəldir. Lakin dinc mübarizə tərəfdarı olan böyük qardaşı ingilis əsgərləri tərəfindən qətlə yetirildikdə hər şey dəyişir. İntiqam almaq istəyən gənc sevgilisindən ayrılaraq silaha sarılır.

Zamanla o, azadlıq döyüşçüsü kimi tanınır, lakin ordu və polisin hədəfinə çevrilir. Təqiblərdən qaçarkən yaralanan Raceş polis müfəttişi işləyən ən yaxın dostuna sığınmaq məcburiyyətində qalır. Yoldaşının evinə gələn qaçqın burada dostunun təzəcə evləndiyi həyat yoldaşının keçmiş sevgilisi Kamini olduğunu görür.

1975-ci ildə çəkilmiş «Prem Kahani» musiqili dram filminin quruluşçu rejissoru Rac Xosladır. Əsas obrazları Raceş Khanna, Şaşi Kapur, Mumtaz və Vinod Khanna canlandırıblar.