Ürəkdəki ev

Balaca Do-son dağların qoynundakı tənha buddist monastırında böyüyür. Doğma anası onu körpə ikən tərk etdiyi üçün uşağın qayğısına monastırın baş rahibi qalır. Həyatını nizam-intizama həsr edən Do-son heç vaxt üzünü görmədiyi anasının sevgisinə hər zaman ehtiyac duyur.

Günlərin birində eyni yaşda olan vəfat etmiş oğlu üçün dua etməyə gələn gənc dul qadın məbədi ziyarət edir. Do-son ilə qadın arasında tezliklə səmimi və möhkəm bir bağ yaranır. Uşaqda öz oğlunun xatirəsini tapan qadın onu övladlığa götürüb şəhərə aparmaq istəsə də, baş rahib uşağın karmasının monastırla bağlı olduğunu düşünərək buna əvvəlcə qarşı çıxır.

«Maeumui gohyang» adlı dram filmi Cənubi Koreya istehsalıdır və 1949-cu ildə rejissor Yun Yon-qyu tərəfindən lentə alınıb. Baş rolları Çhve In-hi, Yu Min, Pyon Qi-con və Kim Son-yon canlandırıblar.