Ekstaz

Eva adlı gənc qadın yaşlı və zəngin bir bəylə ailə həyatı qurur. Tezliklə aydın olur ki, həyat yoldaşı yalnız səliqə-sahman haqqında düşünür və onda həqiqi hisslərə yer yoxdur. Xəyalları puç olan gözəl xanım ər evini tərk edərək atasının yanına qayıtmaq qərarına gəlir.

Göllərin birində çimərkən o, gənc bir kişi ilə qarşılaşır və tərəflər arasında romantik hisslər yaranır. Eyni vaxtda gənc arvadının gedişindən sarsılan ər dərin kədərə qərq olur. Tale gözlənilmədən onu Evanın yeni sevgilisi ilə üz-üzə gətirir.

1933-cü il istehsalı olan «Ekstase» melodramının quruluşçu rejissoru Qustav Maxatıdır. Çexoslovakiya istehsalı olan bu ekran əsərində baş rolları Hedi Lamarr, Zvonimir Roqoz, Aribert Moq və Leopold Kramer canlandırıb.