Mariya

Rejissor Toni Çayldress çəkdiyi yeni ekran əsərində İsa obrazını özü canlandırır. Məryəm Məqdəliyyə roluna dəvət edilən aktrisa Mari Palezi isə ifa etdiyi obrazın təsirindən çıxa bilmir. Nəticədə çəkilişlər bitdikdən sonra o, geri qayıtmaqdan boyun qaçıraraq Qüdsdə qalmağa qərar verir.

Eyni vaxtda Nyu-Yorkda yaşayan məşhur telejurnalist Ted Yanger şəxsi problemlərlə üzləşir. Karyerasında uğur qazanmış aparıcının hamilə xanımı qəzaya düşərək xəstəxanaya yerləşdirilir. Hadisələrin inkişafı fonunda qəhrəmanların hər biri Allaha və dinə olan inamlarının nə dərəcədə güclü olduğunu yenidən dərk etməli olur.

2005-ci ildə ekranlara çıxan «Mary» filminin rejissoru Abel Ferraradır. ABŞ, Fransa və İtaliyanın birgə istehsalı olan bu dram trillerində əsas rolları Jülyet Binoş, Forest Uitaker, Mettyu Modayn və Marion Kotiyyar paylaşıblar.