Bahar

Kilsə-məhəllə məktəbinə Arno Tali adlı yeni bir şagird gəlir. Dərslərdə onun parta yoldaşı kimi məktəbin ən dəcəl və nadinc uşağı olan Yoosep Toots təyin edilir. Tootsun bitib-tükənməyən şıltaqlıqları onu ətrafdakıların arasında artıq məşhurlaşdırıb.

Cəzalar və kötək bu nadinc şagirdi intizama dəvət etməkdə aciz qalır. Yalnız inandırma gücünə üstünlük verən müəllim Laur dəcəl Yoosepi sakitləşdirməyi bacarır. Lakin onun da nəsihətləri uşağın şıltaqlığını yalnız qısa bir müddətə cilovlaya bilir.

«Bahar» (Kevade) adlı sovet dram filmi 1969-cu ildə çəkilib. Ekran əsərinin rejissoru Arvo Kruusementdir. Baş rolları Arno Liiver, Riina Heyn, Aare Laanemets və Margus Lepa canlandırıblar.