Naniwa elegiyası

Gənc telefonçu qadın nişanlısının laqeydliyindən və ona kifayət qədər diqqət yetirməməsindən narazıdır. Qətiyyətsiz və iradəsiz olan bu gənc həm də heç bir məqsədi olmayan biridir. Ailəsinin çətin anlarında sevgilisinin yanında dura bilmir və onlara dəstək olmağı bacarmır.

Atasının düşdüyü ağır vəziyyətdən çıxış yolu axtaran qız təkbaşına hərəkət etmək qərarına gəlir. O, atasını xilas etmək xatirinə əczaçılıq şirkətinin rəhbərinin himayədarlığını qəbul edərək onun məşuqəsinə çevrilir.

1936-cı ildə Yaponiyada çəkilən «Naniwa erejî» filminin rejissoru Kenji Mizoguchidir. Əsas obrazları İsuzu Yamada, Seiichi Takegawa, Chiyoko Okura və Shinpachiro Asaka canlandırıb.